Sociedade Galega de Terminoloxía

Apartado de Correos 95
15780 Santiago de Compostela
Galicia

Contidos do curso de ferramentas informáticas aplicadas ao traballo terminolóxico

O curso consta dos seguintes módulos:

MÓDULO 1

Fontes telemáticas: portais, directorios ou índices, motores de busca ou buscadores, compiladores de buscadores, metabuscadores, directorios de busca especializada, aneis temáticos, listas e foros de discusión, redes temáticas, compilacións temáticas, bibliotecas de referencia en liña etc.
Fontes instrumentais: compilacións, programas informáticos de asistencia á terminoloxía, aplicacións, tradutores en liña, etc.

Introdución á utilidade das fontes telemáticas e a súa optimización para o traballo terminolóxico. O obxectivo é dotar o alumnado das informacións básicas para documentarse no menor tempo posible sobre calquera concepto no que se procure unha denominación.Partirase de exemplos de busca terminolóxica para a localización de software e analizarase o percurso de traballo e as fontes telemáticas utilizadas.

MÓDULO 2

Fontes lingüísticas: directorios, biblioteca virtual, etc.
Fontes lexicográficas (centros e grupos de investigación, asociacións, recursos lexicográficos: dicionarios, glosarios, vocabularios, léxicos, corpus lingüísticos, abreviacións
Fontes gramaticais: gramáticas, ortografías, libros de estilo, instrumentos lingüísticos en liña (correctores etc.), servizos de consulta lingüística

MÓDULO 3

Fontes bibliográficas: directorios de bibliotecas, redes e catálogos colectivos, bibliotecas virtuais ou dixitais, librarías virtuais.
Fontes temáticas: enciclopedias (directorios, xerais, especializadas).

Procurarase desenvolver un método de busca de documentación especializada en galego.

MÓDULO 4

Fontes normativas: sitios web e, de ser o caso, bases de datos.

Fontes lexislativas que revistan as solucións terminolóxicas do “plus” de uso privilexiado ou de autoridade.

MÓDULO 5

Fontes institucionais: directorios, sitios web institucionais, web relacionadas con terminoloxía (universidades, asociacións, etc.), servizos de tradución (directorios, nacionais e internacionais).

Trátase de listar recursos e infraestrutura de traballo terminolóxicos que contan co aval institucional e que ofertan numerosos recursos en liña en calquera das linguas de referencia.

MÓDULO 6

Fontes terminolóxicas: institucións e servizos, asociacións e redes de terminoloxía, recursos terminolóxicos: bancos de datos terminolóxicos, neoloxismos, tesouros, nomenclaturas oficiais, servizos terminolóxicos.

Localización de recursos e a súa explotación. Avaliación de fontes e utilidades.